Ya kak’bet spatojibal awo’tan yu’un ta swenta sk’op ya’yej jnaklejetik ta swenta spasel sjunil
a’telil yu’un muk’ul j-a’tel jtunel ta Chiapas

Chiapas ja’ jnajtik, te ak’op awa’yeje k’ax tulanme sk’oplal

Ya kalbet te yakuk apukbey sk’oplal te binti snopoj awo’tan yu’un schajpanel te k’opetik te maba lek ya awile. Junaxme ya jpasbetik ya’telal ta smuk’ubtesbel sok slekubtesel te Chiapae.

Rutilio Escandón Cadenas

J-a’tel jtunel tsabilix ta Chiapas

Registra tu propuesta
asset
Smuk’ubtesel sk’op ya’yejal ta swenta k’ulejalil sp’olesel tak’in ta bayuk ta spisil ta xchajpalchajp, slekubtesel ya’telal ta swenta bitik ya yich’ ts’unel ja’ ta swenta te mach’atik ya x-a’tejik ta jujupam lumetike, ja’me ya yich’ ilel ta swenta skanantayel te bitik ay ta lum k’inale
Slekubtesel ya’tel te Muk’ul J-a’tel jtunele yame yich’ ak’beyel sna’ stojol te bitik ut’il ya xbeen beel te komon a’tel ya yich’ pasel sok te jnaklejetike soknix te Muk’ul J-a’tel jtuneletik ayik ta patxujke
Yalbeyel sk’op ya’yejal ta swenta bitik ya yich’ pasel ta snail a’teliletik yu’un te p’ijilile, p’ijil a’tajibaletike sok scha’chiknatesel ta swenta slekil yutsilalik te jnaklejetike, ta schajpanel wokoliletik ta stojol te jnaklejetik ta swenta te bitik ay ta lum k’inale sok yich’el ta muk’ te p’ijilil kanantaybil ta o’tanile, ilbil ta komon sok wentainbil ta lek

Sk’op ya’yejal bit’il kuxinem talel

Te k’alal keremto acham beel te anima jtate, te jme’e jajch ta a’tel yu’unme jich ya smak’lin-a te yalatake. Tulan ta antsil, ja’ yich’ojbe stalel ta spisil te antsetik ta slum sk’inal te Chiapae.

Yu’unme jich ya stak’ kak’bexan yipal-a te snopel june la jta jmajtan jbeka, ja’ yu’un la kijkitay jilel te Chiapae, baon ta snopel jun preparatoria ta Mexicali, Baja California. Ja’to tey abi, ochon ta a’tel sok yakalonxan ta snopel jun-a, yu’unme jich ya jmak’lin jba-a, ja’to te k’alal laj ku’un te Licenciado yu’un Derecho.

Te sbabial a’telil la jpas ta stojol te jnaklejetike, aytonax swaklajunebal ka’wilal-a, ja’ ta swenta te Jornada Nacionales de Vacunacion, ja’ ya jultikla te kerem ach’ixetik ta jujun ejidoetik sok ta jujun parajeetik tey ta Baja California.

Ta ya’wilal 1988 cha’sujton beel ta México, baon jnopxan jun ta swenta te Posgrado tey ta UNAM. Ja’ tey la jna’be sba-a te ingeniero Cuauhtémoc Cárdenas sok te Licenciado Andrés Manuel López Obrador.

Jich yu’un, been ta lek sok sit yalaw, sok sch’ich’el sbak’etal, ja’ snopoj te ya x-och ta patil ta Muk’ul J-a’tel Jtunel ta Mejikoe, ja’ ya spukbey sk’oplal te sp’ijil sjol yo’tan te bit’il spasoj tulan ta bayuk ta sjoylejal spat xujk ta spamal te Mejikoe.

Jich bit’il te ay bayel olil jch’ieletik kerem ach’ixetik ta Chiapas, alnich’aniletik te ma’yuk bayel stak’inik te sme’ statike, ju’ ku’un te wokolile sok p’ijubon ta lek, ja’ yu’un cha’sujtonxan talel ta Chiapas ta ya’wilal 1993.

Te jwokole ja’ stulanil ko’tan yu’unme jich ya jta-a te binti ya sk’an ko’tan spasel ta swenta te mach’atik ma xju’ yu’unike, jich bit’il te ay bayel kerem ach’ixetik te ay swokolik ta jlumale, ta skaj te ma’yuk skoltayelik ta tak’ine.

Te stulanil o’tanile, te yipe sok te sujelale yu’unme jich ya yich’ tael ta lek-a te binti ya sk’an yich’ pasele, ja’me te ay-a te sk’oplale. Ma’yuk binti ya xmakawan, ma’yuk yalemoel binti ya yich’ tsujkulinel yu’unme jich ya xmajkon ta jbe-a, te snopojibal ku’un ta ya’telinel te antsetike sok te winiketik ta slum sk’inal te Chiapae, ja’ jamal ya kalbey sk’op ya’yejal schapel te k’op a’yejetik ta ka’tele.

Snopojibal jol o’tanil

  • Pek’el o’tanil yu’unme jich swentail a’telil yu’un-a te j-atel jpatane
  • Muk’ul j-a’tej jtunel junax ta spisil
  • Jnaklejetik junax ayik sok te tulan yantik snail a’teliletike
  • Lekil k’uxubtayel, ta pajal wentainel
  • Lekil chajpanel swenta lek lamal k’inal ta slijkibal-a sok slekubtesel o’tanil
  • Yich’el ta muk’ ta xajt’alxajt’ j-a’tel jtuneletik
  • Smuk’ubtesel sok lekil utsilal ta swenta te pijubtesel ta snopel june
  • Yich’el ta muk’ mantaliletik, ta yalemoel talel kuxlejal, sch’unel sk’op Rios sok schapel k’op a’yejetik.
  • Jnaklejetik junax ay ta: Talel kuxlejalil, tajimal sok skuxel o’tanil
  • Sch’unel spasel a’telil sok jnaklejetik
  • Yilel skanantayel

Sjajchib ya’tel te muk’ul j-a’tel jtunele

  • Lekil o’tanil
  • Spasel biluk a’telil, jich k’oem te ja’nanix ya’tel ta spasel-ae sok ay sujelal ta spasel smeltsanel
  • Stup’el slo’loyel tak’in sok biluk ilbajinelil
  • Yame x-a’tej ta slekilal sok chikan ta lek sk’oplal te bitik yakal ta spasel beele
  • Yame yich’ ch’unel te sjunil mantalil chajpanbilixe
  • Yilel Muk’ul J-a’tel jtunel, jamal sok chikan ta lek sk’oplal
  • Syomel stusel tak’in batik lajinbil
  • Ya’telinel smuk’ubtesel k’ulejalil ta swenta tak’in
  • Stup’el mebail
  • Yich’el ta muk’ sok koltayel ta stojol te bats’il jnaklejetike sok te stalel skuxlejalike
  • 0_unach.png
  • 01_unicach.jpg
  • 03_upchiapas.jpg
  • 04_UPTAP.jpg
  • 04_ut-selva.jpg
  • 05_inter.png
  • 05_ittg.png
  • 06_ITTAP.png
  • 07_itcintalapa.jpeg
  • 08_itcomitan.jpg
  • 09_iteccomalapa.jpg
  • 10_COCyTECH.jpg
  • 11_cresur.jpg