Mik mel k’ajtyitya tyi ityojlel lakpi’älob cha’añ mi imejlel ili
E’tyel cha’añ yumäl ila tyi lumal Chiapas.

Chiapas jiñäch lakotyoty: jiñi awe’tyel mi kajel iweñ ch’äjmel tyi ñuk.

Mi kpäyety cha’añ yom mi awäk’ asu’boya che’ bajche’ yom mi ichajpäñtyel jiñi wokoltyak ambä tyi atyojlel. Much’ul yom mi lakchajpañ majlel jiñi weñlel ñusajk’iñ yik’oty chumtyäl ila tyi lumal Chiapas.

Rutilio Escandón Cadenas

Yumäl tsa’bä imälä tyi yajkaya

Registra tu propuesta
asset
Komol mi kajel ip’äty-esañ majlel e’tyel ili yumäl yik’oty lakpi’älob tyi tyejklumtyak yik’oty jiñi yumälob machbä ñajty añob tyi laklumal
Ili yumäl mi kajel isubeñ jiñi yotylel e’tyeltyak bajche’ mi kajel iñuk-esañ majlel tsijib weñ ñukbä ik’äjñibaltyak icha’añ lakpi’älob, lajal bajche’ ñäjch’el iwokolel lum matye’el, iña’tyibal tyejklum yik’oty yañtyakbä weñlel tyi tyejklum

Ñumel K’axel

Che’ tsa’ chämi ktyaty tsa’ tyejchi tyi e’tyel jiñi kña’ cha’añ mi mejlel imäk’lañ jiñi yalo’bilob.X-ixik ñukbä ipusk’al bajche’ yañobä x-ixikob ila tyi Chiapas.

Che’ tsa’ kcha’le ñopjuñ tsa’ ktyaja kmajtyañ tyak’iñ, che’ jiñi tsa’ majli jk’el jiñi prepatoria ya’ tyi Mexicali, Baja California. Ya’i tsa’ tyejchiyoñ tyi e’tyel che’ woliyoñ tyi kñopjuñ, jiñtyoj tsa’ ochiyoñ tyi Licenciado cha’añ Derecho.

Tsa’ tyejchiyoñ tyi e’tyel, che’ añix wäklujunp’ej ka’bilel, tsa’ tyejchiyoñ tyi joch’ tyi ityojlel alälob ya’ tyi Baja California.

Che’ tyi 1988 tsa’ majliyoñ tyi México cha’añ kchajpañ jiñi posgrado tyi Universidad Nacional Autónoma de México. Ya’i tsa’ jkäñä jiñi ingeniero Cuauhtémoc Cárdenas yik’oty jiñi Licenciado Andrés Manuel López Obrador.

Che’äch bajche’ tsa’ kaji ktyaj majlel kñatyi’bal ila tyi México bajche’ jiñi, tsa’ tyejchiyoñ tyi wenbä e’tyel ila tyi lumal México.

Lajal bajche’ ka’bäl ch’ityoñ wiñikob ila tyi Chiapas, p’unp’uñ’ tsa’ kcha’le ñopjuñ, jiñtyoj tsa’ mäjli kcha’añ, che’ tyi 1993 tsa’ cha’ sujtyiyoñ tyilel ila tyi lumal Chiapas.

Che’ bajche’ tsa’ ñumi kcha’añ che’äch mi kajel ikotyäñtyel majlel alälob ila tyi lumalältyak, yom mi ikotyäñtyelob majlel tyi ipejtyelel cha’añ tyijikña mi yu’biñob.

Che’ lakom lok’el tyi wokol muk’äch imejlel, che’äch bajche’ tsa’ jkäñä tyilel pañämil bajche’ jiñi, ma’añik chuki tsa’ imäktyayoñ tyi bij, jiñmeku cha’añ mi kajel jkotyañob jiñi x-ixikob wiñikob ila tyi lumal Chiapas, weñ mi kajel kchajpañ majlel e’tyel.

Ch’ämbilbä tyi ty’añ

  • Lekojbä isujmlel mi kajel iña’tyäñtyel bajche’ weñbä e’tyel
  • Yumäl cha’añ lakpejtyelel
  • Lakpi’älob mi kajel ich’äjmelob tyi ñuk tyi yotylel e’tyeltyak.
  • K’elol tyi ñuk tyi junñajal
  • Meloñel lajal bajche’ ityejchi’bal ñäch’tyälel yik’oty k’uxbiyabä
  • Ch’ämol tyi jiñi división de poderes
  • Ñuk-añ majlel weñbä ñopjuñ
  • Ch’ämol tyi ñuk ichajplel melbal, ñopbal yik’oty ña’tyi’bal.
  • Lakpi’älob tyojbä iña’tyi’bal , melbal, alas yik’oty tyi ityempajbäjob
  • Ichajpäñtyel e’tyel tyi ityojlel lakpi’älob
  • Kotyäñtyel

Ityejchi’bal mukbä kajel imel yumäl

  • Weñlel
  • Tyoj mi kajel ichajpañ majlel ye’tyel ambä tyi iwenta
  • Mi kajel iñäjch’esañ jiñi machbä weñik isujmlel
  • Weñ mi kajel imel iyumäñtyel yik’oty weñ tsikil isujmlel mi kajel ichajpañ iye’tyel
  • Mi kajel ich’äm tyi ñuk imelbal tyejklumtyak
  • Mi imejlel ik’ejlel majlel bajche’ mi kajel imel iye’tyel ili yumäl
  • Mi kajel isub bajche’ woli ik’äñ majlel tyak’iñ
  • Mi kajel iweñ chajpañ majlel e’tyeltyak
  • Yajpel p’unp’unlel
  • Mi kajel ip’is tyi ñuk jiñi tyejklumtyak yik’oty tyi imelbal jiñi lakpi’älob
  • 0_unach.png
  • 01_unicach.jpg
  • 03_upchiapas.jpg
  • 04_UPTAP.jpg
  • 04_ut-selva.jpg
  • 05_inter.png
  • 05_ittg.png
  • 06_ITTAP.png
  • 07_itcintalapa.jpeg
  • 08_itcomitan.jpg
  • 09_iteccomalapa.jpg
  • 10_COCyTECH.jpg
  • 11_cresur.jpg